Адилет Балтабай ўз видеочиқишида ўғрибоши Қамчи Колбаевга нисбатан ҳокимиятнинг ҳаракатларини танқид қилган эди.
Адилет Балтабай тахаллуси билан танилган блогер ва фаол Адилет Али Миктибек кеча Миллий хавфсизлик давлат қўмитасида бир неча соат сўроқ қилинган. Бу ҳақда унинг ўзи 11 октябрь куни Озодлик радиосига маълум қилган.
Блогернинг айтишича, у тушликдан соат 22:00гача Қамчи Колбаев гуруҳи билан алоқалари ҳақида сўроқ қилинган.
Аввалроқ блоггернинг рафиқаси номаълум шахслар Адилет Балтабайни олиб кетганини айтган эди. МХДҚ бу борада ҳозирча маълумот бермаган.
2022 йил ноябрида Адилет Балтабай оммавий тартибсизликларни уюштиришда айбланиб, 5 йилга озодликдан маҳрум этилган, бироқ суд бу ҳукмни пробация назоратига алмаштирган эди.
Адилет Балтабай ижтимоий тармоқлардаги сўнгги видеочиқишида 4 октябрь куни Бишкекда махсус операция мобайнида ўлдирилган ўғрибоши Қамчи Колбаев (Қамчибек Асанбек)га нисбатан ҳокимиятнинг ҳаракатларини танқид қилган эди.
